Eru þeir öryggir í heimalandinu?

Ég held að ég myndi ekki láta sjá mig í mínu eigin heimalandi ef að ég myndi lenda í þeirra stöðu. Við íslendingar verðum að taka okkur taki og mynda samstöðu um það hvort að við viljum virkilega hafa stjórnendur þessa lands við stjórnvölin áfram. Ég tek unir orð Hallgríms Helgasonar sem að koma í þáttinn hjá Agli. Þar segir hann meðal annars, að það á ekki að taka einhvern og leggja hann í einelti heldur taka heildina og láta hana svara til saka fyrir það sem að á okkur hefur verið lagt. Hver er ánægður með að taka afleiðingum gjörða þessara aðila? EKKI ÉG! Langar þig kæri landsmaður til að klappa á bakið á þessu fólki og segja, æ æ  þetta lagast! Og svo er það auðvitað stóra spurningin, hvar er hægt að ná í þetta velgjörðar fólk?

Farið hefði fé betur!

Ást á milljarðamæringum kulnuð

20 týpur á karlaklósettinu (tekið af Víkurfrétta vefnum)

 

 

Hér koma 20 tegundir karla sem þú finnur á karlaklósettinu…

SKAPBRÁÐUR: Hefur farið í nærbuxurnar öfugar, finnur ekki klaufina - rífur buxurnar...

FÉLAGSLYNDUR: Pissar með vinum sínum hvort sem honum er mál eða ekki...

RANGEYGÐUR: Horfir til hinnar skálarinnar til að sjá hvernig hinn náunginn er útbúinn...

HLÉDRÆGUR: Getur ekki ef annar er að horfa, skolar niður og kemur aftur seinna...

KÆRULAUS: Allar skálar uppteknar pissar í vaskinn...

SNIÐUGUR: Heldur ekkert, lagar bindið, horfir í kringum sig, pissar venjulega á gólfið...

ÁHYGGJUFULLUR: Er ekki viss um hvar hann hefur verið undanfarið, gerir skyndikönnun...

MONTINN:Beinir bununni á móti straumnum, þvers og kruss um skálina, reynir að hitta flugu...

UTAN VIÐ SIG: Hneppir frá vestinu, tekur út bindið, pissar í buxurnar...

BARNALEGUR: Bunar beint í botn skálarinnar finnst gaman að sjá freyða...

LAUMULEGUR: Prumpar hljóðlega á meðan hann pissa, lítur sakleysislega úr, veit að náunginn við næstu skál verður kennt um...

ÞOLINMÓÐUR:Stendur lengi kyrr og bíður, les með lausu hendinni...

BRÁÐLÁTUR: Bíður í langri röð, gnístir tönnum, pissar í buxurnar...

KALDUR KALL: Slær tólinu í skálarbarmana til að hrista af því...

HAGSÝNN: Bíður þar til hann þarf að gera meira, sameinar hvoru tveggja...

FEITUR: Bakkar frá skálinni, bunar í blindi, hittir í skóinn...

LÍTILL: Stendur upp á kassa, dettur í skálina og drukknar...

FULLUR: Tekur vinstri þumalfingur á hægri hendi, pissar í buxurnar...

ÓÞOLINMÓÐUR: Stendur augnablik, gefst up, gengur í burt...

HÉGÓMLEGUR: Heldur öllum 5 sentimetrunum eins og sleggjukrafti, reigir sig...

 

 

Sótt á vef vf.is

Snildar námskeið fyrir karlmenn

 

 

Tveggja daga námskeið er fyrirhugað fyrir karlmenn ef næg þátttaka fæst. Efni námskeiðsins er eftirfarandi:

HVERNIG Á AÐ FYLLA ÍSMOLAMÓT ?
Skref fyrir skref með glærusýningu.

KLÓSETTRÚLLUR: VAXA ÞÆR Á KLÓSETTRÚLLUHALDARANUM?

Hringborðsumræður.

MUNURINN Á RUSLAFÖTUM OG GÓLFI
Æfingar með körfuefni (teikningar og módel).

DISKAR OG HNÍFAPÖR: FER ÞETTA SJÁLFKRAFA Í VASKINN EÐA UPPÞVOTTAVÉLINA?
Pallborðsumræður; nokkrir sérfræðingar.

LÆRA AÐ FINNA HLUTI
Byrja að leita á réttum stöðum í stað þess að snúa húsinu við gargandi -
Opin umræða.

TÓMAR MJÓLKURFERNUR; EIGA ÞÆR AÐ VERA Í ÍSSKÁPNUM EÐA Í RUSLINU?
Hópvinna og hlutverkaleikir.

HEILSUVAKT; ÞAÐ ER EKKI HÆTTULEGT HEILSUNNI AÐ GEFA HENNI BLÓM
PowerPoint kynning.

SANNIR KARLMENN SPYRJA TIL VEGAR ÞEGAR ÞEIR VILLAST
Sönn saga frá manninum sem spurði til vegar.

ER ERFÐAFRÆÐILEGA ÓMÖGULEGT AÐ SITJA ÞEGJANDI MEÐAN HÚN LEGGUR BÍL?
Ökuhermir.

AÐ BÚA MEÐ FULLORÐNUM; GRUNDVALLARMUNUR Á ÞVÍ AÐ BÚA MEÐ MÖMMU ÞINNI OG MAKA
Fyrirlestur og hlutverkaleikir.

HVERNIG Á AÐ FARA MEÐ EIGINKONUNNI Í BÚÐIR
Slökunaræfingar, hugleiðsla og öndunartækni.

AÐ MUNA MIKILVÆGAR DAGSETNINGAR OG AÐ HRINGJA ÞEGAR ÞÉR SEINKAR
Komdu með dagatalið þitt í tímann.

AÐ LÆRA AÐ LIFA MEÐ ÞVÍ AÐ HAFA ALLTAF RANGT FYRIR SÉR
Einstaklingsráðgjöf og samtöl.

 

 Efnið er  sótt á Vf vefin.

Mikið um veikindi..... hvaða pest er ekki í gangi?

Þetta er að verða þreytt sko, það er að verða bún vika 2 og ég hef ekki náð mér enþá.

Svo missir maður að síðustu dögum í vinnunni áður en Jórunn fer í frí og Magga hætti í dag. Ómissandi félagar í vinnunni. Best að vera bara lasin í mánuð í viðbót á meðan Jórunn er í fríi

Vá hvað mér þykir mikill missi af henni Möggu, þetta var hennar síðasti dagur í vinnunni í dag hjá okkur í húsinu. Ég vona að hún komi til með að sakna okkar og koma bara aftur

Það er fundur hjá FKA á morgun og viti menn ég held að ég mæti bara þangað loksins. En auðvitað ekki ein og óstudd, ég bjallaði í eina sem að ég bað um að taka mig með sér á fundinn.

OHHH... hvað ég myndi vilja vera í Kína hjá Ástu Rut , ég var að skoða myndir í dag með Jórunni og þetta er held ég bara einn af fáu stöðum sem mig langar virkilega til að fara á (þegar ég verð stór).

Það er búið að vera rólegt í verslun síðustu daga en nóg að gera í markaðssettnigu hjá okkur. Vonandi fer að glæðast og maður að komast í frí og þá meina ég FRÍ

Nóg í bili, best að æfa sig í Kínversku.

 

Akureyrarvaka

Þegar að Akureyrarvöku kemur þá finnst mér sumrinu lokið. Skólinn byrjaður og allt að komast í réttar skorður aftur. Margrét var sinn fyrsta alvöru skóladag í dag. En hún mætti með mér í viðtal á föstudaginn síðasta og svo mætti hún í gær í 2 klst. Hún var alveg í skýjunum yfir því að vera byrjuð í skólanum. Hún var samferða vinkonu sinni úr götunni sem að er ári eldri en hún. Þetta var góður dagur fyrir hana. Hún sofnaði um kl. 21 upp við Jón sem að var í tölvunni sinni. Enda alveg búin á því þessi elska.

Góður endir á góðum degi hjá henni.

Næsta helgi.......versló Akureyri 80' stíllinn

Við verslunar fólk ætlum að taka okkur saman og klæða okkur uppá aldrei sem fyrr.

Það er 80' stíllinn sem að á að vera í ríkjandi á Akureyri um versló.

Möggu Blöndal datt þetta í hug að slíkt gæti verið gaman að. Ég held að ég verði að segja að þetta er ansi góð hugmynd, og það er tilhlökkun að sjá afgreiðslufólk í 80' klæðnaði.

Vonandi verða veður Guðirnir  með okkur um næstu helgi, ekki myndi spilla fyrir ef sú gula myndi láta sjá sig.

 

Allir á Akureyri um versló....... hlakka til að sjá ykkur!

 

Hver stjórnar og hver á að stjórna!

Það sem að ég les út úr gömlum og nýjum lestri í blöðum má glögglega sjá að það er alltaf sama fólkið sem að stjórnar, en það gerir það bara á bak við tjöldin svo að við áttum okkur kannski síður á því.

Ég hef nú stundum haldi því fram að Geir H. og Davíð O. séu annað hvort bræður eða að Geir sé Sonur Davíðs. Geir er allavega búin að ná töktum Davíðs þegar hann lést vera eins og einræðisherra. Og svo eru það leikstoppar þeirra allt í kringum þá sem að sjá ekki sólina fyrir þeim og átta sig ekki á því að þeir eru kannski bara að vinna fyrir þá en ekki almenning. Davíð hafði og hefur völdin svo mikið er víst. Hef ég velt því fyrir mér afhvelju þeir flokkar sem að fara með Sjálfstæðinu í stjórn verði alltaf laskaðir en ekki Sjálfstæðisflokkurinn? Þetta er mér hulin ráðgáta. En ég ætla ekki að fara neitt nánar út í þetta núna. Enda leiðindamál þegar uppi er staðið.

Eitt að lokum, þá myndi ég vilja að við fólkið á landsbyggðinni fáum eitthvað um það að segja þegar kemur að því að ákveða hvort Reykjavíkur flugvöllurinn verði þar sem að hann er eður ei. Ef það verður svo að ekki náist um það samstaða hvort hann verði eða fari, þá getum við norðan menn tekið að okkur að hafa höfuðborg íslands hérna á Akureyri.

Góðar stundir.

3 Maí 2008

Merkis dagur í dag. Hildur Freyja er 16 ára í dag og ömmu barnið er 1 árs í dag. Merkir áfangar hjá þeim.

Það er mikil blíða í dag og annar í sumri. Ja allavega miða við veður. Mikið er maður búin að boða mikið af veislumat í dag. En ég sit núna við borðið í afmælisveislunni hjá Hlyni Frey og pikka nokkrar línur. Hildur Freyja er líka búin að fá sína eigin afmælis tertu sem að er að þessu sinni eplakaka merkt henni ásamt 16 ára. Hlynur Freyr á vel skteytta tertu með 1 kerti þar sem að sá stutti er árs gamall í dag.

Njótið dagsins

Blíða, blíða, bíðan.

Það er búið að vera þvílíka veður blíðan hérna í nokkra daga. Sólin er búin að draga tjöldin frá og brosir sínu blíðasta.

Mikið er af snjó í Hlíðarfjalli og því mætti ætla að mikið vari af fólki á skíðum þar. En á sunnudaginn síðasta var ekki mikið um manninn. Hvað veldur? Voru allir að jafna sig eftir fegurðarsamkeppnina sem haldir var í Sjallanum?

Ég nenni ekki að tala um pólitík, þar sem að ég held að ég yrði bara pirruð ef ég færi út í þá sálma núna.

Ég fór í skírn á sunnudaginn síðasta í Akureyrarkirkju, þar sem verið var að skíra fallegan prins. Það er ekki oft sem að ég legg leið mína í kirkju nú til dags. Allavega hef ég ekki farið oft til kirkju eftir að ég flutti hingað norður eða síðan 1999.

Það gladdi mig samt sem áður að hafa drifið mig í skírn í þessari líka yndislega fallegur kirkju. En mín kirkja ber samt alltaf af. Hvalsneskirkja er ein af fáu steinkirkjum landsins og var hún reist 1887. Þar starfaði ég til nokkurra ára sem meðhjálpari ásamt því að sinna barnastarfi safnaðarins sem að fór fram bæði í barnaskólanum og svo síðar, eða eftir byggingu safnaðarheimilisins fór það fram þar og gerir enn.

Þetta er þakklátasta starf sem að ég hef sinnt ásamt vinnu minni með öldruðum og geðsjúkum.  Ég viðurkenni að ég sakna þess að vinna þessi þakklátu störf og hver veit nema að ég taki upp á því að velja þennan vettvang síðar meir.

Mér er ekki til setunar boðið og læt þetta duga mér í dag og fer og sinni minni líka ágætis vinnu.

Hvítblæði

Ár og öld síðan tími hefur gefist til að blogga.

En mikið hefur gengið á í þjóðfélaginu undanfarið, og ekki hefur nú allt farið framhjá mér. Ekki er þó ætlunin að fara út í þá sálma. Eitt þótti mér þó vera gleðilegt og það var þegar frænka mín stofnaði sjóð sem ætlaður er fyrir rannsóknir á hvítblæði. En ég var ekki fyrr búin að gefa í sjóðinn, þegar tvö dauðsföll vegna 2 einstaklinga bar að og báðir fóru þeir úr þessum hræðilega sjúkdómi. Annar ungur og í blóma lífsins og hinn heldri maður. Það hafa 3 karlmenn látist úr þessum sjúkdómi sem að voru tengdir mér og ég man vel eftir. Þar á meðal voru þeir 2 á sama aldri og ég og fóru þeir mjög ungir, annar þeirra dó þegar ég var 14 ára og hin dó þegar ég var um 16-17 ára. Við vorum 2 frænkurnar og 2 frændurnir á sama aldri og þeir báðir farnir héðan og báðir dáið úr sama sjúkdómi. Núna í dag er einn yndislegur frændi minn með hvítblæði og það tekur mig sárt að vita það. Ég vona svo ynnilega að einhvern daginn verði hægt að finna betri leið svo og leið til að lækna þennan hræðilega sjúkdóm.

Ég varð bara að koma þessu frá mér.

Við ættum öll að gefa okkur það að gera þennan daginn þann besta í heimi og gleðja aðra, því að við vitum aldrei hvað morgundagurinn hefur í för með sér.